بەدەستهێنانی بڕوانامەی ئایزۆی نێودەوڵەتی بۆ زانکۆی لوبنانی فەڕەنسی …
ئەمڕۆ پێنج شەممە ٢٠٢٥/١/٣٠ بە سەرپەرشتی بەڕێز (حاجی طلعت باجگر) سەرۆکی دەستەی ئەمیندارانی زانکۆی لوبنانی فەرەنسی و بە ئامادەبوونی بەرێز (پ. د. عبدالقادر نەقشبەندی) سەرۆکی زانکۆ، مەراسیمی وەرگرتنی بڕوانامەی ئایزۆی نێودەوڵەتی لە بواری سیستەمی بەڕێوەبردنی جۆری بۆ زانکۆکەمان ئەنجام درا.
لەلایەن بەڕێز (د.بنار فەرید ابراهيم ) یاریدەدەری سەرۆکی زانکۆ بۆ کاروباری زانستی، لەوتارێکدا مژدەی بەدەستهێنانی بڕوانامەی ئایزۆی نێودەوڵەتی لەبواری بەڕێوەبردنی جۆری بۆ زانکۆی لوبنانی فەڕەنسی ڕاگەیاندرا،
وە دەستخۆشی لە ستافی جێ بەجێکار کرد و هیوای سەرکەوتنی بۆ خواستن، کە بە هەوڵ و توانستە نێوخۆییەكانی ستافی ئەکادیمی و کارگێری زانکۆمان توانیمان بڕوانامەی ئایزۆی نێودەوڵەتی 2015 9001 iso بۆ زانکۆی لوبنانی فەڕەنسی بەدەست بهێنین.
بەدەستهێنانی ئەم بڕوانامەیە متمانە و پاڵپشتی بەهێزمان پێ دەبەخشێت لە هەنگاوەكانی داهاتوومان بەهەستێکی بەهێزی بەرپرسیاریەتیەوە بە بەرزترین کوالیتی بەڕەچاوکردنی ستانداردی نێودەوڵەتی ئایزۆ سیستەمی بەڕێوەبردنی کوالیتی و باشترکردنەوەی بەردەوام و هەمیشە نایابی بۆ خزمەتكردنی کەرتی خوێندن و بەرەپێش بردنی توانستی قوتابیان.
بەدەستهێنانی ئەم بڕوانامەیە دەستکەوتێکی گەورەیە بۆ زانکۆکەمان و متمانەیەکی نێودەوڵەتی دانپێنراوە.
