نیشتیمان پەروەری لە شیعرەكانی عەبدوڵڵا پەشێودا

أسماء أیوب خالد
دەروون عبداللە عثمان
رەیان كامەران محمد
رێكار رەئوف موشیر

پوختە:

(نیشتیمان پەروەری لە شیعرەكانی عەبدوڵڵا پەشێودا) ناونیشانی توێژینەوەكەیە، كە توێژینەوەكەمان لە سێ بەش پێكدێت و هەر بەشەشی لە چەند تەوەرەیەك پێكدێت، بەشی یەكەم بەشێکی تیۆرییە، لە دوو تەوەرە پێك دێت؛ لە تەوەرەی یەكەمدا باس چەمك و زاراوەی نیشتیمان پەروەری دەكەین، لە تەوەرەی دووەمدا نیشتیمان پەروەری لای شاعیرانی كورد دەخەینە ڕوو. بەشی دووەم بەشێکی پراكتیكییە، كە خۆی لە دوو تەوەرەدا دەبینێتەوە، تەوەرەی یەكەم باس لە ژیانی عەبدوڵڵا پەشێو و بەرهەمەكانی و مەبەستە شیعریەكانی عەبدوڵڵا پەشێو دەكات، تەوەرەی دووەم نیشتیمان پەروەری لە شیعرەكانی عەبدوڵڵا پەشێود لەڕووی كوردایەتی و نیشتیمان پەروەری و نۆستالۆژیا و وەستانەوە دژی زوڵم و ستەم و براكوژیدا شیدەكەینەوه.