بان بەهاوبەشی لەگەڵ زانكۆیی لوبنانی – فەرەنسی سیمپۆزیۆمی مەترسییەكانی بەكارهێنانی ماددە هۆشبەرەكان و رێگاكانی بەرنگاربوونەوەی سازكرد

لەرۆژی یەك شەممە ریكەوتی 28ی نیسانی 2019 وبەئامادەبوونی نوێنەری پەرلەمانی كوردستان عەبدوللای حاجی مەحموود و سەرۆكی یەكێتی پەرلەمانتارانی كوردستان و ژمارەیەك لەپەرلەمانتاران و ئەندامانی ئەنجوومەنی پارێزگای هەولێر ودكتۆر موسا كەڤاڵ سەرۆكی بزاڤی ئاشتی ناوخۆیی"بان" ود. قادر قەشوری و حاجی حاجی براهیم ئەندامانی دەستەی سەرۆكایەتی و ژمارەك لەئەندامانی بان و دكتۆر محەمەد سەدیق خۆشنا سەرۆكی زانكۆیی لوبنانی – فەرەنسی و دكتۆر عومەر نوەرەدینی جێگری سەرۆكی زانكۆ و ئەندامی دەستەی سەرۆكایەتی بان و ژمارەیەكی زۆر لە مامۆستا و ئەكادیمی و كەسایەتی سیاسی و كۆمەڵایەتی و یاساناس و دەرناس و كۆمەڵناس، لەهۆڵی كۆنفرانس لەزانكۆی لوبنانی – فەرەنسی سیمپۆزیۆمی مەترسییەكانی بەكارهێنانی ماددە هۆشبەرەكان و رێگاكانی بەرنگاربوونەوەی بەهاوبەشی لەنێوان سەرۆكایەتی زانكۆی لوبنانی فەرەنسی و بزاڤی ئاشتی ناوخۆیی"بان" سازكرا.
سەرەتا و دوایی دەقیقەك راوەستیان بۆ گیانی پاكی شەهیدانی كورد و كوردستان وتەی سەرۆكایەتی پەرلەمانی كوردستان لەلایەن عەبدوللای حاجی مەحموود سەرۆكی لیژنەی كاروباری پێشمەر و ئاسایش و ناوخۆ لەپەرلەمان پێش كەش كرا وتێدا دەست خۆشی لە سەرۆكایەتی زانكۆی لوبنانی فەرەنسی و بزاڤی ئاشتی ناوخۆیی"بان" كرد بۆ سازكردنی ئەم دیدارە وراگەیاند مەترسییەكانی بەكارهێنانی ماددە هۆشبەرەكان لەسەر كۆمەڵگای كوردستانی لەجەنگێك كەمتر نییە بۆیە پێویستە هەموو لایەكمان لەسەر ئاستی باڵای هەرێمی كوردستان هەنگاوی جددی بنێن بۆ رێگریكردن لە بەڵاوبوونەوەی ئەم دیاردەیە لەنێو تاك و كۆمەڵگەكەمان، هەروەها پشتگیری خۆشی بۆ ئەم سیمپۆزیۆمە دەربڕی و هیوای سەركەوتنی بۆ خواست.
دواتر دكتۆر محەمەد سەدیق خۆشناو سەرۆكی زانكۆی لوبنانی فەرەنسی لەوتەیەكی دا وێرا بەخێرهێنانی ئامادەبووان، سوپاسی بزاڤی ئاشتی ناوخۆیی بۆ خەمخۆری و هەوڵەكانی و ئەندامانی كۆمیتەی ئامادەكاری سیمپۆزیۆم كرد. هەروەها راشیگەیاند كە لەهەست بەبەرسیارییەوە زانكۆی لوبنانی فەرەنسی لەگەڵ بزاڤی ئاشتی ناوخۆیی ئەم هەنگاوەیان ناوە و پێویستە لایەنە پەیوەندارەكانی حكومەتی هەرێمی كوردستانیش پاڵپشت و هەماهەنگ بن بۆ سەركەوتنی ئەم هەوە و هەموولایەك لەسەر ئاستی رەسمی و جەماوەریش بەشداربن بۆ رێگرتن لەزیاتر تەشەنەبوونی ئەم دیاردەیە لەنێو كۆمەڵگای كوردستان دا.
پاشان وتاری سەرۆكی بزاڤی ئاشتی ناوخۆیی"بان" لەلایەن دكتۆر موسا كەڤاڵەوە پێش كەش كرا وتێدا رایگەیاند" زۆر سوپاسی زانكۆی لوبنانی ـ فەرەنسی دەكەم چونكە بە بەرپرسیاریەكی گەورە هەڵستاون، هەم هاوكارن و هەمیش سپۆنسەرن بۆ ئەم دیدارە گرنگ و پێویستە.هەروەها سوپاسی هەموو ئەندامانی كۆمیتەی ئامادەكاری ئەم كۆنفرانسە دەكەین كە لەماندیبوون و خەباتیان سەركەوتوو بوون بۆ ئامادەكرن و سازكردنی ئەم دیدارە بەنرخە، بەراستی ئەم كۆنفرانسە لەكاتێك دەكرێت كە بەكارهێنانی ماددە هۆشبەرەكان بووە مەترسییەك و رۆژ لەدوایی رۆژ لەنێو كۆمەڵگا دا بەڵاودەبێتەوە، بەتایبەتی لەلایەن لاوان و گەنجان. ئەم رووداوە توندوتیژیە كۆمەڵگای تێكدەدات، هەروەها تەندروستی ماددی و مەعنەوی گەنجەكانمان و تاكی كۆمەڵگا دەختە مەترسییەوە. خانەی گرنگی كۆمەڵگا كەخێزانە ئەوەشی تێكی دەدات و لەهەمان كاتیش دا ئابووری خێزانیش وێران دەكات، دیاردەی بەكارهێنانی ماددە هۆشبەرەكان تاوانەكان زیاتر دەكات و مەترسی لەسەر ئاسایشی نەتەوەیی دروست دەكات. 
بێ گومان لایەنەكانی مەدەنی و ئەمنی كار و هەوڵێكی جددیان داوە لەدژی ئەم دیاردەیە و هەوڵەكانیان جێگای رێز و تەقدیرمانە، ئێمە لەو بروایەداین كە پێویستە هەوڵێكی جددی وبەپەلە لەدژی ماددە هۆشبەرەكان بدرێت، وەكو جەنگێكی گشتی و بەردەوام وبەپێ ستراتیژیەكی تۆكمە بەردەوام بێت. بەتایبەتی دەزگاكانی حكومەت و رێكخستنەكانی مەدەنی و هەموو دام و دەزگاكانی پەیوەندار وەكو پەروەردە و ئایین و چاپەمەنییەكان پێویستە بەهەماهەنگی هەموو لەم هەوڵ وهەوەدا هاوكار و بەشدار بن. لەسەرەتادا بۆ سازكردنی ئەم كۆنفرانسە ئێمە پەیوەندیمان بە زۆر لەلایەنەكان كرد و راو بۆچوونی ئەو لایەنە بەرێزانە ئەوەبو كە پێویستە ریفۆرمێك لەیاسایەكانی پەیوەندیدار بەماددە هۆشبەرەكان بكرێت بەشێوەیەك كە باشتر گونجاوترن. بێ گومان ئەم هەوڵ ئیجرائاتانە هەموویان پێویستە بەڵام سەركەتوو نابن ئەگەر بەشێوەیەكی عەمەلی و بەمیكانیزمێكی گونجاوی دانەنرێن بۆ ئەم ئامانجە، پێم وایە پێویستە ئەم كۆنفرانسە چەند ئەنجامێكی هەبێت:
1ـ ئەم جۆرە دیدار و كۆنفرانسانە بەردەوام بن بەلایەنی كەم هەر شەش مانگ جارێك ئەنجام بدرێن.
2ـ كۆمیتەیەك بۆ ئەم مەبەستە لەپسپۆران و نوێنەرانی دام و دەزگاكانی پەیوەندیدار پێكبهێنرێت. 
3ـ چوار چێوەی خەبات و كارەكانی ئەم كۆمیتەیە دیار بكرێن و لەگەڵ دام ودەزگاكانی تری پەیوەندیدار بەهاوبەشی كار بكەن.
4ـ پرۆژەیەك یاسایی لەلایەن پسپۆرانەوە ئامادە بكرێت بۆ دیاركردنی كۆرانكاری گونجاو لەو یاسا تایبەتانەی بەم دیاردەوە و دەستەیەك بەناوی ئەم كۆنفرانسە سەردانی پەرلەمان كوردستانێ ولایەنە پەیوەندیدارەكان بكات بۆ ئەم مەبەستە... دووبارە رێز وسوپاسی خۆم ئاراستەی ئێوەی بەرێز دەكەم و هیوای سەركەوتن بۆ ئەم كۆنفرانسە دەخوازم كە بەئامانجی خۆی بگات.
دواتر كورتە ڤیدیۆیەك لەسەر چۆنیەتی بەڵاوبوونەوەی ماددە هۆشبەرەكان و هۆكار و ئەنجامەكانی كە لەلایەن دكتۆر شێروان خسرۆ سەلیم ئامادكرابوو پێش كەش كرا. پاشان پانێلی یەكەم لەژێر ناوی: مەترسییەكانی وقناغەكانی دیاردەی بەركارهێنانی ماددە هۆشبەرەكان لەهەرێمی كوردستان بەبەشداری ئەم بەرێزانە مامۆستا سورێن سەرۆكی بەشی كۆمەڵناسی لەزانكۆی لوبنانی فەرەنسی و مامۆستا سامان سیوەیلی بەرێوەبەری رێنماییكارانی پەروەردەیی و توێژەرانی كۆمەڵایەتی لەوەزارەتی پەروەردە و بەشدار مەجید داواكاری گشتی لەفەرمانگەی چاكسازی گەروان ومقدم بەختیار كەریم مەولود بەرپرسی بانكی زانیاری لەبەرێوبەرایەتی نەهێشتنی ماددە هۆشبەرەكان لەهەرێمی كوردستان دەستی پێكرد و لەلایەن مامۆستا ئاراس عەبدوللا راوێژكاری یاسایی لەوەزارەتی پەوەردە بەرێوەبرا وتێدا بەداتا و ئامار باس لەم دیاردەیە و ئەو ئیجرائاتانەی كە حكومەتی هەرێمی كوردستان گرتوتەبەر لەبواری یاسایی و سزاكانەوە ومەترسی وقوناغەكانیشی لەهەرێم دیاریكران.هەروەها گفتۆگۆیەكی تێر و تەسەل لەلایەن بەشداربووانی سیمپۆزیۆمەوە لەسەر ئەم بابەتە كرا وچەند پرسیار و تێبنی ئاراستەكرن.
هەروەها لەدوایی پێشودانێك پانێلی دووەم لەژێر ناوی: خۆپاراستن و چۆنیەتی بەرەنگاربووە بەبەشداری ئەم بەرێزانە پ .ی . د تاڤگە عەباس بستانی مامۆستایی یاسایی لەزانكۆی سەڵاحەددین و دكتۆر كامەران كەیانی مامۆستا لەبەشی كیمیا لەزانكۆی سەڵاحەددین و دكتۆر سەنگەر محەمەد جاف مامۆستا لەزانكۆی هەولێری پزیشكی و دكتۆر شێروان خسرۆ سەلیم مامۆستا لەپەروەردەی دەشتی هەولێر دەستی پێكرد و بە ڤیدیۆ و داتاشۆ باسیان لە چۆنیەتی چارەسەركردن و خۆپارستن لەم دیاردەیە لە نێو كۆمەڵگای كوردستانی دا كرد، پاشان بەشداربووانی سمپۆزیۆم چەند پرسیار و تێبینی و داواكاری ئاراستیان كرد و وڵامدرانەوە. 
لەكۆتایی بروانامەی رێزلێنان بەسەر بەشداربووانی پانێلەكان و ئەندامانی كۆمیتەی ئامادەكار دابەش كران و بەیاننامە وراسپاردەكانی سیمپۆزیۆمیش خوێندرایەوە وتێدا داوا لە لایەنە پەیوەندیدارەكان لەهەرێمی كوردستان كرا كە رێوشوێنی باشتر بگرێنە بەر بۆ رێگریكردن لەم دیاردە ترسناكە و پاراستنی كۆمەڵگای كوردستانی لە مەترسییەكان.


  • Photos
Copyrights @ LFU Erbil, 2017. All rights reserved. Designed and developed by AVESTA GROUP